Na nosa Residencia de Nogueira de Ramuín xa recibimos a vacina contra o COVID-19.
Non sabemos se con palabras damos expresado o que sentimos neses momentos. O Covid, por sorte, non entrou na nosa residencia, pero vivimos momentos moi duros e de moito esforzo por parte de todo o equipo. Os nosos maiores, foron os grandes loitadores, canto nos ensinaron!
Onte sentimos que avanzábamos un pasiño na loita contra esta lacra e, aínda sen baixar a garda, estamos felices polo benestar dos nosos maiores.
Cun sorriso, con bromas e con moita esperanza, onte maiores e equipo recibimos a vacina.
Oxalá pronto volvamos aos abrazos, ás saídas, ás mostras de cariño sen temores.
Grazas a todos os que nos apoian agora e sempre.
Aqui vos deixamos a entrevista que nos fixeron na TVG.
