O pasado venres celebramos as Festas de Silleda dun xeito un pouco diferente cos nosos residentes, pero non por elo menos especial.
Botamos moito en falta á magnífica Banda de Música Municipal de Silleda, que tivemos o pracer de recibir por estas datas o ano pasado na nosa Residencia, e nos fixo gozar co seu bo facer.
Na Residencia de Silleda cremos que un pobo sen música parece estar durmido, e queremos ter unha lembranza moi especial e agarimosa para todas as formacións musicais de Silleda, que nos enchen de ledicia e orgullo os oídos e o corazón.
Agardamos poder volver a desfrutar dos nosos grandes artistas locais moi pronto. Mentras tanto, seguiremos coidando, traballando e desfrutando cos nosos residentes e facendo que cada día sexa unha pequena festa.
