A Residencia de Maiores de Silleda, pertencente ó grupo de residencias COVIASTEC, é unha residencia de maiores especializada en atender a persoas maiores dependentes. Dispón de espazos libres axardiñados e está sita en Silleda, fronte ás instalacións da Semana Verde, no corazón de Galicia. A residencia conta con 59 camas, distribuidas entre habitacións dobres e individuais. Tamén dispoñemos de servizo de celebración de misa, opcional.

Contamos con un equipo de profesionais moi motivado, coa cualificación e experiencia necesarias para ofrecer un servizo integral de calidade aos nosos residentes. Todos os residentes son inicialmente avaliados polo noso equipo de profesionais ó ingresar na residencia, momento no que se establece un programa a realizar con cada un deles para acadar os obxectivos previstos en función das súas circunstancias.

A nosa residencia conta con un completo programa de actividades orientadas a lograr a plena integración social, física e psicolóxica dos nosos residentes. Pretendemos acadar varios obxectivos como: aumentar a independencia funcional, o entretemento, a diversión, lograr a integración no centro e favorecer a socialización. En definitiva, mellorar a calidade de vida.

O noso centro presta unha atención que cobre tanto a estancia como a manutención. Para iso contamos con un servizo de restauración propio supervisado pola dirección e o equipo médico, baseado en menús adaptados ás necesidades nutricionais.